Zer da
Ugao-Miraballeseko Udalak abian jarri du e-mail erotikoen lehiaketa. Aurtengoa 5. edizioa da eta “erotikugao.com” du izentzat.
Pasaden edizioetan parte-hartze handia izan genuen eta aurten jauzi kualitatibo bat eman nahi dugu lanen kalitatea hobetuz gero antzerkiratuak izateko.
Aurtengo nobedade esanguratsuena web orria da; honen bidez lehiaketa eta parte-hartzea askoz gehiago hedatuko da.
Zergaitik e-mail txapelketa?
- Teknologi berrien erabilpena bultzatzeko.
- Gazte eskuhartzea sarean bultzatzeko.
- E-maila komunikatzeko era bezala sustatu.
Zergaitik kontakizun erotikoak?
- Erotismoa desmitifikatzeko eta pornografia zein ageriko sexua honetaz bereizteko.
- Gazte sormena bultzatzeko, batez ere euskeraz, oso landua izan ez den esparru batetan.
- Sexualitatea eta erotismoa bizitza osasuntsu baten osagaitzat dugulako.
- Gazteen sormena, emozioekin lotuz, erotismoaren bidez bultzatzeko
Helburu orokorrak
Gazteen (18tik gorakoen) kreazio-ahalmena bultzatu eta teknologia berrien erabilpena sustatuBerariazko helburuak 5º edizio honetarako:
- Saridun lanen argitalpena.
- Irabazle izango diren lanen antzezpena (Glu Glu-ren eskutik)
- Arratia-Nerbioi ibarraren hiribildu hau eta gazteri arloan Ugao-Miraballesen egiten den lana ezagutzera eman.
Nork antolatzen du txapelketa?
UGAO-MIRABALLESEKO HIRIBILDU PRESTUAK lehiaketa hau antolatu du bere GAZTEDI ZINEGOTZIGOA eta bere menpe dauden GAZTEINFO (Gazte Informazio bulegoa) eta GAZTELEKU (gazte elkargunea) zerbitzuen bitartez, baita “Glu Glu”ren partaidetza zuzenarekin 5. edizio honetan.
Nola eta noiz garatuko da lehiaketa hau?
Lehiaketa 2007ko irailaren 3tik aurrera garatuko da. Lanak 2007ko azaroaren 30a arte aurkeztu ahal izango dira. Epaimahaia ezagunak diren euskal idazle eta bertsolari gazteek osatuko dute, antzerki eta literaturako beste aditu batzuekin. Hauek 5 lan aukeratuko dituzte kategoria bakoitzeko eta web orrian eskegiko dira. Web orria bisitatzen dutenek kategoria bakoitzeko lan irabazlea erabaki ahal izango dute beraien botuen bidez. 2008ko udaberrirako lan irabazleetan oinarritutako antzerki lana estreinatzea espero da.
18 urtetik gorakoentzako webgunea.
